Израил менен ХАМАС радикал уюму эки айга ок атышууну токтотуу боюнча макулдашууга жакындап калды. ЦАХАЛ согушкерлердин туннелдерине суу каптатты. Баш прокурор Курманкул Зулушев Камчы Көлбаев өлтүрүлгөн операцияда мыйзам бузулбаганын жана Арстанбек Абдылдаевдин өлүмү иликтенип жатканын билдирди. Көлбаев операцияда өлтүрүлсө, абактагы Абдылдаевдин сөөгү асынып турган жеринен табылган. Президент Садыр Жапаров жарандарды социалдык батирлер менен камсыз кылуу жөнүндө жарлыкка кол койду. Ага ылайык, батирдин жарым баасын төлөгөн жаран эки жыл ичинде үйлүү болот.
Борбор Азия
шаршемби 31 Январь 2024
Катарда Азия кубогу уланууда. Шаршембиде 1/8 финалдын акыркы күнү. Чейрек финалга жолдомо үчүн Жапония - Бахрейн, Иран- Сирия командалары ат салышат. Борбор Азиядан эки команда - Өзбекстандын жана Тажикстандын футболчулары таймашты улантууда. Доханын стадионунда коңшу өлкөлөрдөн келген күйөрмандар эриш-аркак болуп, улуттук курама командаларды сүрөөнгө алып жатат. Футбол майрамындагы ынтымакты жана достукту туу туткан күйөрмандар, турнирдин жүрүшү тууралуу баянды көрүңүз.
