Бишкектеги Кыргыз-Түрк "Манас" университетинде бүгүн Кыргызстандын маданият күнү өтөт. Аны аталган окуу жай Маданият, маалымат жана туризм министрлиги менен бирге уюштурууда. Иш-чарага Бишкекте жашап жаткан башка улут өкүлдөрү, чет элдиктер жана бийликте иштегендер чакырылган. Аларга улуттук кинолор көрсөтүлүп, кыргыз маданиятын даңазалаган буюмдардын көргөзмөсү тартууланат.
Университеттин басма сөз кызматы билдиргендей, аягында концерттик программа жана атайын флешмоб менен коштолгон улуттук бий болот.
"Манас" университети түрдүү элдердин маданият күндөрүн көп уюштурат. (SE)
