Чек ара: Он айдан бери октун азабын тарткан Нурланбек

2021-жылы 29-апрелден 1-майга чейин созулган кыргыз-тажик чек арасындагы куралдуу жаңжалда Кыргызстандын 36 жараны каза болуп, 186 киши октон жараат алган. Жараат алгандардын арасында ушул күнгө чейин айыга албай, октун азабын тартып жаткандар бар. 34 жаштагы милициянын улук сержанты Нурланбек Заитов азырга чейин ооруканадан чыга элек.