Биринчи май райондук соту киши колдуу болгон Айзада Канатбекованын өлүмүнө байланыштуу айыпталган Бишкек милициясынын мурдагы жетекчиси Бакыт Матмусаевди актады. Оппозициялык саясатчы Адахан Мадумаров Биринчи май райондук сотунун өкүмүнө каршы Бишкек шаардык сотуна апелляциялык арыз берди. Райондук сот буга чейин анын арызын артка кайтарган. Грузияда “чет элдик агент” мыйзам долбооруна каршы толкундоолор уланууда. Нааразылык акциялары Тбилисиден башка аймактарда да болуп жатат.