Баткен: Эки саат таза сууга зар болгон шаардыктар

Баткен шаарында ичүүчү суунун акысы 20% кымбаттады. Баткендиктер тариф кымбаттаганы менен элге ичүүчү суу толук берилбей жатканына нааразы. Баткен таза суу муниципиалдык мекемеси суунун тартыштыгын кыскартып, электр энергиясы жана жумушчулардын эмгек акысын жабуу үчүн бааны көтөрүүгө мажбур болгонун түшүндүрдү. Баткен шаарын суу менен камсыздоо үчүн 2016-жылы Европа реконструкциялоо жана өнүктүрүү банкы 5 млн 200 миң евро каражат бөлгөн.