Азия өлкөлөрү цунами курмандыктарын эскеришти

Түштүк-Чыгыш жана Түштүк Азия өлкөлөрүндө бүгүн цунами курмандыктарын эскеришти. Мындан туура он жыл мурун ушул күнү зилзаланын артынан келген топон суудан 200 миңден ашуун кишинин өмүрү кыйылган эле. Бул каргаша Инд океандын айланасындагы өлкөлөрдө кырсыкты алдын алуучу эскертме чаралар талаптагыдай жолго коюлбаганын да ачыктаган.