Жаштардын Соң-Көлдөгү курултайы

Жаштардын Соң-Көлдөгү курултайы толук максатына жетпей калды. Ага чакырылгандардын теңинен азы келди. 24-августта Соң-Көл жайлоосунда өткөн оппозициячыл топтордун жыйынында бийликке бир катар талаптар коюлду. Жыйын соңунда ага катышкандар атайын декларация кабыл алышты. Анда Кумтөр кени боюнча “Центерра Голд” компаниясы менен түзүлгөн келишимди бир тараптуу денонсациялоо, экологиялык чыгымдарды өндүрүү, учурдагы өкмөттү отставкага кетирип, элдик ишенимдеги өкмөт түзүү, айлык акыны, жөлөк пулдун өлчөмүн көбөйтүү талаптары жазылган. (Канымгүл Элкеева, Мирлан Токталиев)