"Азаттыктын" кабарчысы. 2015-жылы КУУнун филология факультетин, 2020-жылы КМЮАнын башкаруу жана укук факультетин аяктаган. Ч.Айтматов атындагы мамлекеттик жаштар сыйлыгынын лауреаты. "Жүрөк үнү" аттуу ыр жыйнактын автору.
Эл акыны, жазуучу жана сатирик Жолочу Рысбаев 75 жашында узакка созулган оорудан улам дүйнөдөн кайтты. Ал бир катар аңгемелердин, тамсилдердин, сатиралык чыгармалардын жана обондуу ырлардын автору эле. Калемгер 2012-жылы “Азаттыкта” сатиралык “Тамашемес” деген бир нече видеоберүү даярдаган.
Бейиши болгур мекенчил акын, “Азаттыктын” кабарчысы Зайырбек Ажыматовдун өмүрдөн өткөнүнө бүгүн туура төрт жыл болду. Убакыт зымырап учуп, жылдар эскиргени менен жакшы акындын жакшы ырлары эскирбейт экен.
Улуттук жазуучулар союзунун жаны шайланган төрагасы Каныбек Иманалиев "Азаттыкка" маек куруп, алдыдагы пландары, адабияттын, акын-жазуучулардын коомдогу орду тууралуу айтып берди.
Улуттук “Манас” театры жаңы имаратка ээ болду. Имаратта 300 орундуу концерттик зал бар. “Манас” театры мындан үч жыл мурун тузүлүп, байыртан келаткан төкмөлүк, манасчылык, дастанчылык өнөрдү аркалагандардын башын кошкон. Буга чейин алардын өзүнчө өнөрканасы болгон эмес.
Токтогул Сатылганов атындагы улуттук филармонияда 12-апрелден бери "Жамийла" улуттук мюзикли коюлуп жатат. Сүйүүнү жана эркиндикти даңазалаган чыгарма жазуучу Чыңгыз Айтматовдун повестинин негизинде даярдалган. Музыкалуу спектакль бүгүн 17-апрелде коюлуп, жыйынтыкталат.
Кыргызстанда Сүрөтчүлөр бирлигинин 90 жылдыгы белгиленүүдө. Анын алкагында Гапар Айтиев атындагы көркөм сүрөт музейинде уюмдун салттуу жазгы көргөзмөсү ачылды. Анда живопись, графика, скульптуралык ондогон эмгектер коюлду. Алардын ичинде экология, эркиндик темаларына кайрылган сүрөтчүлөр арбын.
Соңку убактагы аялдарга карата зомбулуктар чыгармачыл чөйрөнү да түйшөлтүүдө. Кээ бир маданият өкүлдөрү зомбулукка каршы биргелешип күрөш жүргүзүүнү сунуштаса, айрымдары кылмыш жасагандарды оор жазага тартуу керектигин коңгуроо кагып жатышат.
Кыргызстанда алгачкы жолу 40 бийчиден турган заманбап балет труппасы түзүлөт. Бул тууралуу Маданият министрлиги маалымдады. Чыгармачыл топ Улуттук филармониянын курамында болору маалымдалды. Заманбап балет труппасына бийчилер кантип тандалып, кандай ишмердүүлүк жүргүзөрү тууралуу кеп кылабыз.
Кыргызстандык кино жаратуучулар соңку кезде жаңы тартылган тасмалардын көпчүлүгү пираттык жол менен тарап кеткенине тынчсызданууда. Алардын айтымында пираттар тасмаларды жайылтып эле тим болбой, Телеграм каналдары аркылуу сатып жатат.
Кыргызстандык кино жаратуучулардын "Бейиш эненин таманында" фильми Казакстанда "Пейіш. Жұмақ ананың табанының астында" деген аталышта прокатка чыгып, эң көп каражат чогулткан тасмага айланды.
Акын, ырчы, комузчу Аскат Жетиген элге өнөрү менен таанылган. Ал Самара Токтакунова, Нурак Абдрахманов, Зайнидин Иманалиев жана Кенже Кубатованын колунан таалим алып, улуттук өнөрдүн улуу көчүн улаган. Соңку маалда жарандык позициясын билдирип, коомдун жүрөк өйүгөн көйгөйлөрүн көтөрүп жүрөт.
Өзбекстандын Алишер Навои атындагы мамлекеттик академиялык чоң театры Бишкекке алгачкы ирет чыгармачыл сапар менен келди.
Мамлекеттик тил жана тил саясаты боюнча улуттук комиссиянын төрагасы Каныбек Осмоналиев кызматтан кетип, анын ордуна Мелис Мураталиев дайындалды. Мындай кадрдык өзгөрүү өзү үчүн күтүүсүз болгонун Осмоналиев айтып чыкты.
Кыргызстандын көкбөрүчүлөрү ден соолугун оюн маалындагы ар кандай кырсыктардан милдеттүү түрдө камсыздандыра баштады. Чүй облусунун "Сары-Өзөн" командасынын оюнчулары алгачкылардан болуп Мамлекеттик камсыздандыруу компаниясынан полис сатып алышты.
Соңку кездери өлкөдө кооз, коңур үнү менен акындардын ырларын жаңы өңүттө көркөм окуган жаштар арбыды. Алар атактуу акындардын элге сиңген ырларын жагымдуу музыканын коштоосунда окуп, сүрөт-видеолор менен жасалгалап, социалдык тармактарга жүктөп, өз окурмандарын табууда.
Узак жылдардан бери имараты жок болуп келген Шаршен Термечиков атындагы Чүй облустук театры өзүнүн жеке, жаңы имаратында ишин баштады. Ага былтыр Бишкектеги "Октябрь" кинотеатры пайдаланууга берилген эле. Эми маданий жай көрүүчүлөргө эшигин ачты.
Быйыл Казакстанда өтө турган V Дүйнөлүк көчмөндөр оюндарынын тизмесинде көк бөрү жана кыргыз күрөшү жок экени белгилүү болду. Маданият министри Алтынбек Максүтов Министрлер кабинетинин төрагасы Акылбек Жапаровго кайрылып, бул улуттук эки оюнду тизмеге киргизүүгө көмөктөшүүсүн өтүндү.
Кыргыз улуттук академиялык опера жана балет театрынын кызматкерлери аттестациядан өтүп жатат. Маданият министрлигинин маалыматында, бул театрдагы кызматкерлердин чеберчилигин арттыруу жана ээлеген кызмат ордуна татыктуу экенин баалоо максатында жасалууда.
Белгилүү обончу, аткаруучу Бакыт Капаров 55 жашында акка моюн сунду. Буга чейин ал инсульт алып, клиникалык тез жардам ооруканасына түшкөнү маалым болгон. Сахналаштарынын айтымында ал комага түшкөн бойдон өзүнө келбей, көз жумуп кете берди.
Улуттук “Манас” театры Бишкекте “Андай эмес” деп аталган айтыш-концертин тартуулады. Уюштуруучулар бул кечени акындардын дарегине айтылган айрым сындарга жооп катары уюштурганын айтышат. Эл төкмө акындарды адилеттикти туу тутуп ырдаган өнөр ээси деп билет.
Дагы жүктөңүз
