Кировдо суу аз: мээнети күйгөн дыйкандар

Таластагы Киров суу сактагычындагы суунун деңгээли быйыл жылдагыдан аз. Кыргызстандык дыйкандар жай саратанда сугат суу тартыш болуп, эккен жашылча-жемиши июлда эле күйүп кеткенин айтууда. Чек аранын ары жагындагы казакстандык дыйкандар бир айдан бери суу көрбөгөн талаасы какшып калганына даттанышты. Бишкек ушул айда коңшу Казакстан өз лимитин алганын билдирип, суу берүүнү токтоткон. Көп узабай Кыргызстандын жүк ташуучу автоунааларынын айдоочулары Казакстандын чек арасынан өтө албай ара жолдо калганын айтып чыгышты. Саясий маселеге айланып, социалдык тармакта кызуу талкууланган Киров суу сактагычындагы абал менен "Азаттыктын" кабарчысы таанышып келди.