Газа: Согушту токтотуу жараяны жумага жылды

Газадагы ок атууну убактылуу токтотуу жана согушкерлердин барымтасында турган туткундарды бошотуу жараяны буга чейин айтылгандай бүгүн эмес жума күнү башталары белгилүү болду. Бул жараян эмне себептен кечеңдеп жатканы азырынча белгисиз. Келишимде АКШ менен Евробиримдикте террордук уюм деп таанылган ХАМАС барымтадагы 200дөн ашуун туткундан 50нү бошотуп берүүгө тийиш. Ал эми Израил өкмөтү абактагы 150 палестинди өткөрүп бериши керек. Эгер бул макулдашуу ишке ашса, бир жарым айдан берки согуштагы биринчи олуттуу дипломатиялык жетишкендик болот.