Харьков: Дрон чабуулунда төрт киши набыт болду

Бейшембиге караган түнү орус аскерлери Харьковго кайрадан дрондор менен чабуул койгондо төрт киши каза тапты. Жергиликтүү бийлик пилотсуз учактын бири 14 кабат үйгө тийгенин билдирди. Бир нече убакыттан бери бутага алынып келаткан Украинанын экинчи ири шаарын эвакуациялоо азырынча күн тартибинде турбаганы маалымдалды. Ал арада аскердик аналитиктер Орусия украин күчтөрүнүн позицияларына чабуулун күчөткөнүн белгилешет.