АКШ Газа тилкесинде ок атышууну токтотууга чакырды

Газадагы ок атышууну токтотуу боюнча Бириккен Улуттар Уюмунун Коопсуздук кеңешинде АКШнын резолюция долбоору добушка коюлат. Анда Вашингтон анклавга гуманитардык жардам жеткирүү үчүн ок атышууну дароо токтотуу зарыл экенин белгилейт. АКШ жана Евробиримдикте террордук деп таанылган ХАМАС радикал уюму менен Израилди мунасага чакыруу үчүн мамлекеттик катчы Энтони Блинкен Тель-Авивге барды.