Газа: Рафахта Израил армиясынын атайын операциясы уланууда

Израил Газа секторунун түштүгүндөгү Рафах шаарында төрт айдан бери барымтада турган эки жаранын бошотконун жарыялап, ал жерде согушкерлердин кеминде төрт тобу бар экенин билдирди. Бул аймакта иштеген дарыгерлер жана ыктыярчылар өткөн түнү Израилдин чабуулдарынан 37 палестиналык жай тургундун өмүрү кыйылганын айтууда. АКШ Израилди Газанын калкынын дээрлик жарымы баш калкалап турган бул шаарда жай тургундардын коопсуздугун камсыздоочу план болбосо, операция жүргүзбөөгө үндөдү.