Жакынкы Чыгыш: АКШ Иран колдогон топторго каршы операциясын улантат

Вашингтон Жакынкы Чыгыштагы иранчыл топторго каршы операцияларын уланта берерин билдирди. АКШнын жана Британиянын күчтөрү Йемендеги буталарга дагы бир нече ракета атты. Анын алдында америкалык аскерлер Иорданиядагы үч жоокеринин өлүмүнө жооп кайтарып, Ирак, Сирия жана Йемендеги Иран колдогон согушкер топторго сокку урган. Муну менен региондогу жаңжал андан ары жайылат деген кооптонуу күчөп баратат.