Украинага жеткен Түндүк Кореянын ракетасы

Дүйнөнүн элүү чакты өлкөсү Орусия Украинага Түндүк Кореядан алган баллистикалык ракеталар менен чабуул койгонун айыптап чыгышты. Алар "бул үчүн орус бийлигин жоопко тартуу талап кылынарын" билдиришти. Адистер белгилегендей, мындай ракеталар 900 чакырымга чейин жетет. Ал тапта Улуттар Уюму эки жылга чукул согуш баскан Украинада калктын дээрлик 40 пайызы гуманитардык жардамга муктаж экенин белгиледи. Өлкө президенти Владимир Зеленский бир катар стратегиялык маселелерди талкуулоо үчүн Балтика өлкөлөрүн кыдыра баштады.