Кара-Көл шаарынын тургундары - 2010-жылы туулган Мураталиев Нурислам, 2012-жылкы Мураталиев Нурмуханбет, 2010-жылы туулган Мамбетов Замирбек 12-ноябрдан бери дайынсыз болууда. Аларды акыркы жолу саат 17:00 чамасында көчөдө ойноп жатышкан жеринен көрүшкөн.
Балдардын ата-энелери аларды табууга көмөк сурап, милицияга кайрылышкан.
Милиция балдарды издөө иштери жүрүп жатканын кабарлап, көргөн-билгендер болсо кабар берип коюуну коомчулуктан суранды.
"Мураталиев Нурисламдын бою-1,35-1,40 сантиметр, чачы күрөң түстө, көзү кара, орто бойлуу. Кара күрмө, кара түстөгү спорттук шым, бутунда кара спорттук бут кийимчен чыккан.
Мураталиев Нурмуханбеттин бою-1,25-1,30 сантиметр, чачы күрөң түстө, көзү кара, орто бойлуу. Кочкул кызыл түстөгү кемсел, кара түстөгү спорттук шым, ак бут кийимчен.
Мамбетов Замирбектин бою-1,45-1,50 сантиметр, чачы күрөң түстө, көзү кара, орто бойлуу, кара түстөгү күрмө, көгүш түстөгү кемсел, кара түстөгү спорттук шым, бутунда ак-кара түстөгү спорттук бут кийим болгон", - деп жазылган маалыматта.
Милиция балдарды көргөн-билгендерди 102, 03746 5 12 00, 0704 92 76 66; 0708 39 01 39 телефон номурларына чалып коюуга чакырат. (TB)
Facebook шеринеси