Люксембург шаарында 23-октябрда Европа Биримдигинин жана Борбор Азия мамлекекеттеринин тышкы иштер министрлеринин 5+27 форматындагы жыйыны өтөт.
Кыргызстандын Тышкы иштер министрлиги билдиргендей, анын максаты аймактык кызматташтыкты өнүктүрүү боюнча пландарды белгилөө, ошондой эле глобалдык жана аймактык актуалдуу маселелер боюнча пикир алмашуу болуп саналат.
"Ошондой эле эки тараптуу жана көп тараптуу кызматташтыкты тереңдетүү максатында, министр Жээнбек Кулубаев Люксембургдун, Австриянын, Финляндиянын, Даниянын тышкы иштер министрлери жана Эл аралык өнөктөштүк боюнча Европа комиссары менен эки тараптуу жолугушууларды өткөрөт",- деп жазылган маалыматта.
Өткөн айда Берлинде Германия-Борбор Азия саммити өткөн. Анда немис канцлери Олаф Шольц Борбор Азиянын беш лидери менен жолуккан.
Facebook шеринеси