Өзбекстан парламенти - Олий Мажлистин төмөнкү палатасынын бир катар депутаттары Орусиянын Мамлекеттик Думасынын депутаты Евгений Федоровдун "мурдагы советтик республикалар СССРден мыйзамсыз чыгып кеткен" деген билдирүүсүн айыпташты.
Федоровдун "32 жыл мурун эгемендүү болгон мурдагы советтик республикалар эртеби-кечпи Орусия менен эсептешүүгө же согушууга аргасыз болорун" айтып, аларды "Кремлге тынчтык жолу менен кошулууга чакырган" билдирүүсү 7-сентябрда Телеграм каналдарга тараган.
Өзбекстандык депутаттар жогорудагы пикирлерин социалдык түйүндөргө жарыялашты. Расмий Ташкент орус депутатынын сөзүнө комментарий берген жок.
70 жылдык тарыхы бар СССР 1991-жылы ыдырап, ага кирген 15 улуттук республика өз эгемендигин жарыялаган.
Facebook шеринеси