Орусиянын курамындагы Чеченстан республикасында шейшемби күнү катуу сабалган иликтөөчү журналист Елена Милашина жана адвокат Александр Немов Москвадагы ооруканага которулду. Алар бозгундагы үч чечен активисттин апасынын сотуна катышуу үчүн Грозныйга барышкан. Бирок аларды сотко жеткирбей, белгисиз куралчан адамдар катуу сабап кетишти. Адам укуктарын одоно бузганы үчүн эл аралык коомчулуктун кескин сынына кабылып келе жаткан чечен бийлиги бул окуяны иликтейбиз деп убада берүүдө. Толугураак Прагадан Кубат Касымбеков айтып берет.