Өкмөт Баткенде чек ара чатагында талкаланган үйлөр курулуп бүткөнүн жарыялады. Жергиликтүү ишкерлер үй курган компаниялардан миллиондогон сомун ала албай калганына даттанышты. Украинада орус армиясынын соңку чабуулдары 20дай жай тургундун өмүрүн кыйды. Батыш мамлекеттери Украинага абадан коргонуу системалары үчүн "жүздөгөн" ракета өткөрүп бергени жатат. Айрым депутаттар жана маданият министри орусиялык рэпер Моргенштерндин Бишкектеги музыка фестивалына катышуусуна каршы болуп, аны келтирбөөнүн аракетин көрүүдө. Украиндагы согушту айыптаган Моргенштерн Орусияда "чет элдик агент" деп таанылып, ага кылмыш иштери козголгон.