Орусия ушул айда 11-жолу Киевге чабуул жасады, алдын ала маалыматтарга караганда анда "Шахед" дрону колдонулду. Украин бийлиги бардык учкучсуз учактар атып түшүрүлгөнүн, жабыркагандар жок экенин кабарлады.
Атып түшүрүлгөн дрондордун саны такталууда. Украинанын бир катар райондорунда дрондордун сыныктарынан улам материалдык зыян тарткан учурлар катталды.
Көп кабаттуу үйдүн чатырынан өрт чыккан, техникалык имарат, автоунаалар жана жолдор бузулган.
Ушул түнү Киев жана Чернигов облустарында дагы аба коркунучу тууралуу эскертүү жарыяланды. Жергиликтүү бийликтин айтымында, Орусия негизги объектилерге сокку урууга, Украинанын абадан коргонуу ресурстарын түгөтүүгө жана тургундарды “терең психологиялык стрессте” кармоого аракет кылууда.
Орусия 2022-жылдын 24-февралында Украинага бастырып кирген. БУУнун маалыматына караганда, май айынын ортосуна карата аскерий аракеттерден улам 8836 жайкын тургун каза болуп, 14 985и жараат алды. Бул маалыматтар толук эмес болушу ыктымал.
Facebook шеринеси