Жарандык активист Өндүрүш Токтонасыров орусиялык ырчы Филипп Киркоровдун Бишкекте концерт берип жатканына нааразылыгын билдирип, пикетке чыкты. Активист ырчыны Украинага согуш ачкан Орусиянын президенти Владимир Путиндин саясатын жактайт деп айыптады.
Токтонасыров Киркоровду Бишкектен сый менен тосуп алгандарга да нааразы болгонун Фейсбукка жазды.
Орусиялык ырчы Филипп Киркоровдун концерти 3-ноябрда Бишкектеги Спорт сарайында өтүп жатат.
Филипп Киркоров Орусиянын президенти Владимир Путинди колдоп уюштурулган "Күчтүү президент - күчтүү Орусия" деген аталыштагы концертте ырдаган. Быйыл апрелде Путин аны 55 жаш мааракеси менен куттуктаганын орусиялык басылмалар жазып чыккан.(ZKo)
Дагы караңыз
Facebook шеринеси