АКШ - Кыргызстан: IT, туризм, жашыл экономика

Кыргызстан 31 жыл мурун көз карансыздыкка жетип, эгемен өлкө экенин жарыялаганда Кошмо Штаттар алгачкылардан болуп дипломатиялык алака түзүп, Бишкекте өз элчилигин ачкан. Ушул тапта океандын ары жагында 30 миңдин тегерегинде кыргызстандык жашап эмгектенет. Кыргызстандын АКШ жана Канададагы элчиси Бакыт Аманбаев “Азаттык” менен болгон маегинде эки мамлекеттин кызматташтыгындагы алгылыктуу багыттар жана Бишкек-Вашинтон ортосунда кол коюлчу жаңы келишим тууралуу кеп курду.