Бишкек шаарындагы мектептер убактылуу онлайн окутууга өтүп жатат. "Азаттык" байланышкан айрым мугалимдер бул 28-ноябрдагы шайлоого байланыштуу экенин айтышты.
Шайлоо тилкелери жайгашкан муниципалдык мектептердин окуучуларына 27-ноябрда аралыктан билим берилет. Шайлоонун эртеси - 29-ноябрда да окутуу онлайн болот.
Бишкек мэриясы добушканалар жайгашкан мектептерде жана бала бакчаларда шайлоого байланыштуу санитардык тазалык иштери болорун, бул Санэпидкөзөмөл борборунун талабы экенин билдирди.
Кыргызстанда Жогорку Кеңешке шайлоо 28-ноябрда болот.
Бишкекте муниципалдык 97 орто мектеп бар. Көпчүлүк добушканалар мектептерде жана бала бакчаларда жайгашкан.
Facebook шеринеси