Ош шаардык мэриясынын социалдык тармак боюнча вице-мэри болуп Венера Рыскулова дайындалды. Буйрукка мэр Алмаз Мамбетов 21-сентябрда кол койду. 2010-жылдан бери вице-мэрликке аял киши дайындала элек болчу.
40 жаштагы Венера Рыскулова 2014-2016-жылдары Улуттук статистика комитетинде иштеген. 2021-жылдын май айына дейре өкмөттө ар кандай кызматты аркалаган.
Ал мурунку вице-мэр Эмил Шадыхановдун ордуна келди.
Ош шаарына бийликтин сунушу менен келип, шайланган Алмаз Мамбетов 6-сентябрда Марс Исаевди биринчи вице-мэр, Сонунбек Жунусбаевди вице-мэр кылып дайындаган. (DU)
Facebook шеринеси