Экономика жана финансы министрлиги «Кыргыз Республикасынын адал индустриясы жөнүндө» мыйзам долбоорун 6-апрелден тартып коомдук талкууга койду.
Документ өкмөттүн сайтына жайгаштырылды. Аталган мекеме билдиргендей, коомдук талкуу учурунда долбоорго карата сын-пикирлер жана сунуштар кабыл алынат.
Буга чейин министрликте адал индустриясын жөндөө бөлүмү ишке кирген.
"Халал" деген белгиде өндүрүлгөн адал азык-түлүктөргө коомчулукта ар кыл көз караштар бар. Акыркы учурларда ушундай белгиси бар мейманканалар жана таксилер да пайда болгон.
2014-жылы муфтияттын Халал бөлүмү жоюлган. Өзүнчө коммерциялык борбор болуп кайра түзүлүп, ишканаларга сертификаттарды бере баштаган. (NT)
