Быйыл жыл башынан бери Орусия Украинанын борбору Киевге өтө жогорку ылдамдыктагы «Циркон» ракеталары менен беш жолу чабуул койгонун бүгүн 1-апрелде шаардын аскердик администрациясы билдирди.
Соңку үч айда орус аскерлери украин борбор калаасына жалпысынан 180 жолу сокку урганы, курал-жарактын түрү, анын арасында ракеталар жана учкучсуз учактар колдонулганы айтылды.
1-апрелге караган түнү Украинанын Аскердик-аба күчтөрү Киевдин аба мейкиндигинен "Шахед" дрондорунан үчтү атып түшүрүшкөнү белгилүү болду.
Сумы облусунда украиналык чек арачылар «орусиялык диверсанттардын кол салуусун алдын алуу иш-чарасын» жүргүзүшкөнү маалымдалды.
Украинанын коргоо министри Рустем Умеров 25-февралда «Украина. 2024-жыл» форумунда сүйлөп жатып, Батыш убада кылган аскердик жардамдын жарымы өз маалында келбей жаткандыктан Украина жоокерлеринен да, жерлеринен да айрылып жатканын айткан.
20-мартта министр «Рамштайн» форматындагы жолугушууда өнөктөштөрдөн жардам жакынкы эки аптада тиет деген үмүт бар экенин билдирген. (RK)
Facebook шеринеси