Кыргызстандын 651 485 жараны чет өлкөдө эмгек миграциясында жүрөт. Бул тууралуу Эмгек, социалдык камсыздоо жана миграция министрлиги маалымдады. Ага ылайык, кыргызстандыктардын басымдуу бөлүгү - 408 448 адам Орусияда миграцияда. Казакстанда - 65 миң, Түркияда 40-60 миң чамалуу, АКШда -36 миң, Түштүк Кореяда - 14 561, Германияда - 12,5 миң, Бириккен Араб Эмирликтеринде 11 миң, Австрияда - 10 миң, Өзбекстанда 6,5 миң, Улуу Британияда - 6208 адам, Италияда 5 миң, Катар, Кувейт, Сауд Арабиясында - 2363, Бельгияда - 2 миң, Францияда - 1,5 миң, Кытайда - 1,5 миңдей адам.
Эмгек, социалдык камсыздоо жана миграция министрлиги кыргызстандык мигранттардын Орусияда азаюусуна рублдин курсу төмөндөп кеткени жана миграция мыйзамдары катаалдашканы негиз бергенин маалымдоодо.
Бейрасмий маалыматтарда бүгүнкү күндө деле Орусияда Кыргызстандын 1 млн чамалуу жараны жашап, иштеп жүрүшкөнү айтылып келет.(ZKo)
Кыргызстандын 650 миңден ашуун жараны сыртта миграцияда жүрөт
Facebook шеринеси