Борбордук шайлоо комиссиясы жергиликтүү кеңештерге депутаттарды шайлоодо орун-жайдан тышкары добуш берүүнүн жыйынтыгын чыгарды. Ага ылайык 144 шайлоочу добуш берди. Жалпысынан 153 адам шайлоо участокторунан сырткары жайларда добуш берүү үчүн арыз тапшырган.
Кыргызстандын 14 айылында жергиликтүү кеңештердин депутаттарын шайлоо өтүп жатат. Ал үчүн учурда шайлоо тилкелеринде 53 комиссия түзүлдү. Эртең мененки саат 8:00дөн баштап бардык добушканалар ачылды.
Боршайком билдиргендей, Кыргызстандын тарыхында алгачкы жолу бул өнөктүк алкагында электрондук добуш берүү ыкмасы колдонулат. Азырынча Баткендеги үч айылда (Самаркандек, Ак-Сай жана Ак-Татыр) мындай мүмкүнчүлүктөн ошол жерде катталган, бирок шайлоо күнү добушканага бара албагандар пайдалана алат.
Кыргызстанда 453 айылдык кеңеш бар. Депутаттарды беш жылдык мөөнөткө жергиликтүү эл шайлайт. (КЕ)
Facebook шеринеси