Өлкөдө коронавируска кабылгандар жок деп кайталап келаткан Түркмөнстандын бийлиги илдетке каршы чараларды күчөтүүдө.
«Азаттыктын» түркмөн кызматы көчөлөргө дезинфекциялык каражаттарды чачып жатышканын, элге базарларда беткап тагынуу көрсөтмөсү берилгенин 25-июлда жазды.
Өлкөдөгү кабарчы: “Беткапсыз жүрүүгө мындан ары болбойт. Дүйшөмбүдөн тартып балдар балакчаларга салфетка жана антисептик алып барып турууга тийиш. Мунун бардыгы элди чочутуп атат”, - деп айтып берди.
Дагы бир журналисттин айтымында, дем алыштарда санэпидкөзөмөлдүн кызматкерлери Ашхабаддагы көчөлөрдү жана коомдук жайларды хлор менен тазалап жатышты.
Саламаттык сактоо системасында иштеген айрым булактардын маалыматына ылайык, түркмөн бийлиги 1-августта COVID-19га каршы жаңы чектөөлөрдү киргизгени жатат.
Facebook шеринеси