Ош шаардык шайлоо комиссиясынын мурдагы жетекчиси Кушубак Ныязбеков иштен өз арызы менен кетип, анын ордуна Урмат Аттокуров дайындалды.
Боршайкомдун маалымат кызматы Ныязбеков өз ыктыяры менен жумуш ордун бошотконун 25-июнь күнү жазды. Ал «Клооп» басылмасына курган маегинде айлык акынын аздыгы үчүн иштен кеткенин тастыктаган.
Ош аймактык шайлоо комиссиясынын шайлоо өнөктүгүнүн башталышында чыгарган чечими коомчулукта талкуу жараткан.
11-апрелде Кыргызстандагы 28 шаардык, 420 айылдык кеңешке шайлоо өткөн. Добуш сатып алуу жана административдик ресурс колдонуу фактылары аныкталып, 3-майда Токмок, 11-майда Ош, 19-майда Бишкек шаардык кеңешине өткөн шайлоонун жыйынтыктары жокко чыгарылган.
Өлкөдөгү үч чоң шаарга кайра шайлоо 11-июлга белгиленген. (DU)
Facebook шеринеси