Мамлекеттик салык кызматы он айлык салык жана камсыздандыруу төгүмдөрү боюнча карызын төлөгөн 5 749 салык төлөөчүгө карата 256,7 млн сом туум жана санкцияны жойду. Сумма 2020-жылдын август айынан 2021-жылдын 24-майына чейин эсептелгенин мекеменин басма сөз кызматы кабарлады.
Салык карызынын негизги суммасын жойгон 4 миң 246 салык төлөөчүгө карата 187,6 млн. сомдук туум, санкция жана айып пулдары эсептен чыгарылды. Ошондой эле камсыздандыруу төгүмдөрү боюнча карызынын негизги суммасын төлөгөн 1 миң 503 субъектиге 69,0 млн. сом суммасындагы туум, санкция жана айып пулдары алып салынды. Бюджетке 148,7 млн. сом камсыздандыруу төгүмдөрү боюнча карыздын негизги суммасы төлөндү.
Мыйзамга ылайык, жарандар 2020-жылдын 1-июлуна чейинки салыктар жана камсыздандыруу төгүмдөрү боюнча карызынын негизги суммасын 2021-жылдын 1-июлуна чейин төлөсө 100%, ал эми карызынын негизги суммасын 2021-жылдын 31-декабрына чейин төлөсө 50 пайыз туум, санкция жана айып пулдар жоюлат.
Facebook шеринеси