22-майда Кыргызстандын Түркиядагы Кайсери шаарындагы ардактуу консулу Мустафа Курт каза болгону кабарланды. Бул тууралуу маалыматты консулга караштуу «Башкент» платформасы жазды.
Маркум Мустафа Курт 2007-жылы ардактуу консул макамын алган. Ал Түркияда жеке ишкердик менен алектенип, эки өлкөнүн ортосунда инвестиция боюнча иш-чараларды уюштуруп келген.
Мустафа Курт жазуучу жана журналист болчу. Курт маданий иш-чараларды жетектеп, кыргызстандык студенттерге колдоо көрсөтүп келген.
Мустафа Курт коронавирус илдетине чалдыгып, бир канча жумадан бери ооруканада дарыланып жаткан. (ElB)
Дагы караңыз
Facebook шеринеси