18-июлда түнкүсүн Ош, Ысык-Көл, Нарын облустарынын кээ бир райондорунда, Баткен, Жалал-Абад облустарынын кээ бир тоо этектеринде жана тоолорунда, Чүй облусунун тоолуу райондорунда өткүн өтүп, күн күркүрөйт, Талас облусунда жаан-чачын жаабайт. Эртең менен жана күндүз Ысык-Көл, Нарын облустарынын көпчүлүк аймактарында, Чүй, Ош, Жалал-Абад, Баткен облустарынын кээ бир райондорунда өткүн өтүп, күн күркүрөйт, Ысык-Көл, Нарын облустарынын кээ бир жерлеринде жана Ош облусунун тоолорунда жаан-чачын каттуу жаайт. Талас облусунда жаан-чачын жаабайт. Түштүк-батыш тараптан соккон шамалдын ылдамдыгы секундасына 4-9 метрге, кээ бир райондордо 15-20 метрге жетет.
Абанын температурасы:
Чүй өрөөнүндө түнкүсүн 17…22, күндүз 31…36;
Талас жергесинде түнкүсүн 15...20, күндүз 30…35;
Баткен, Ош, Жалал-Абад дубандарында түнкүсүн 19…24, күндүз 31…37;
Ысык-Көл облусунда түнкүсүн 12…17, күндүз 21…26;
Нарын облусунда түнкүсүн 9…14, күндүз 20…25;
Бийик тоолуу аймактарда түнкүсүн -1…+4, күндүз 6…11 градус болот.
Бишкекте жаан-чачын жаабайт. Абанын температурасы түнкүсүн 20…22, күндүз 34…36 градус болот.
