АЗАТТЫКТЫН ИНТЕРНЕТТЕГИ ЖЕКЕ ТУРМУШТУН КУПУЯЛЫГЫН САКТОО САЯСАТЫ

“Азаттык/Эркин Европа үналгысы” интернет кардарлары өздөрүнүн жеке турмушунун купуялыгына акылуу жана эч көзөмөлсүз интернетти ачууга жана андан маалымат иликтөөгө укуктуу деп ишенет.

Керектөөчүлөрүбүзгө интернеттик жаңылык кызматы жаатында мыкты тейлөөнү сунуш кылып жатып, биз өз кардарларыбыздан жана алар тууралуу эки түрдүү маалымат жыйнайбыз: алар “Азаттык/Эркин Европа үналгысы” сунуштаган маалыматтарды электрондук кат аркылуу жазылып алгысы келгендер бизге берген электрондук даректер жана интернет барагыбыздын колдонулушунун деңгээлин иликтөө үчүн чогултулган статистикалык маалымат жыйындысы.


Электрондук даректер

“Азаттык/Эркин Европа үналгысы” сунуштаган электрондук кат түрүндөгү жаңылыктар топтомуна жазылгандар мындай кат алуу үчүн өздөрүнүн электрондук даректерин ыктырдуу түрдө көрсөтүшөт. “Азаттык/Эркин Европа үналгысы” алардын электрондук даректерин эч бир кырдаалда кайсы бир үчүнчү тарапка өткөрүп бербейт. Жаңылыктарга жазылгандардын тизмеси жаңылыкты таркатуудан башка максатта ич ара үлөштүрүлбөйт. Жаңылыктарга жазылган кардар ар кандай жаңылыктар топтомун алуудан каалаган убакта баш тарта алат, аны токтотуу тартиби биздин электрондук кат түрүндөгү жаңылыктар топтомубузда жарыяланган жана интернет барагыбызда көрсөтүлгөн. Эгерде кардарлар бул жаңылык топтомун өздөрүнө жиберүүнү токтото албай түйшүк тартса, анда алар бул тууралуу биздин тийешелүү кызматкер менен байланыша алат. Мындай кызматкерибиздин электрондук дареги электрондук жаңылыктар топтомунун ар бир чыгарылышында жазылуу, же болбосо биздин интернет бөлүмүбүзгө төмөнкү дарек боюнча кайрылууга болот: web@rferl.org


Статистикалык маалыматтар

Интернет барак жарыялаган башка уюмдардай эле, “Азаттык/Эркин Европа үналгысы” өзүнүн маалыматын керектегендер “Азаттыктын” интернет барагына кирген учурга таандык маалыматтарды чогултат. Мунун максаты жөнөкөй эле – бул интернет барагына канча киши кирип жатканы, алар кайсы өлкөдөн экени жана кайсы беттерди окуп жатышканы жана ушул сыяктуу маалыматтарды каттоо. Маалымат топтоонун мындай жараяны “Азаттык/Эркин Европа үналгысына” сиздин кимдигиңизди аныктоого мүмкүндүк бере албайт, анткени тек гана өзгөчө номерленген компютер интернет серверге кошулганы айкын болот. Мындай маалыматты колдонуу аркылуу бизге баяндама даярдай турган компютердик программа cookie (“бышырылган таттуу токоч”) деп аталган стандарттык браузердик иш-аракетке негизделген. Ал интернет кардарлары кайсы интернет беттерин карап жатканын каттап турат. Бул каттагыч программа кайсы бир интернет кардары интернет барагын качандыр-бир ачаар замат дароо иштей баштайт жана бул кардар интернет барагын жаап чыгып кетээр замат өз ишин токтотуп, жок кылынат. Дал ушундай жол менен топтолгон маалыматтардын баяндамасы бул интернет баракты жакшыртуу үчүн жана биздин кардарлардын керектөө кызыкчылыктарына ылайык аларга улам жакшыртылган тейлөө кызматын сунуштоо үчүн гана ички максатта колдонулат.

Суроолоруңузду жана ой-пикириңизди web@rferl.org дарегине жибере аласыз.