Мындай пикирлерин 16-мартта К.Тыныстанов атындагы Ысык-Көл мамлекеттик универститетинин тарыхчы мугалимдери Нурлан Тагайбаев жана Бактыбек Кангелдиев сөөк табылган Орлиное айылына барып, жер кыртышын карап көргөн соң билдиришти.
Бул 30 миң жылдык менен 20 миң жылдыктын ортосундагы мезгил болушу мүмкүн деп болжолдонууда. "Биз бул ойду жердин кыртышын карап чыгып анан айтып жатабыз. Бул доордо мамонттор да болгон. Ал эми сөөк кайсы жаныбарга таандык экенин тиешелүү адистер гана айта алат", - дейт Нурлан Тагайбаев.
Учурда бул жер корулуп, райондук ички иштер бөлүмүнүн кызматкерлери тарабынан кайтарылууда. (AsM)
