Буга чейин негизинен Өзбекстанда Фергана өрөөнүнө кирген аймактарда хижаб түрүндө жоолук оронууга тыюу салынып келген болсо, жакындан тарта борбор калаа Ташкентте да диний оромол үчүн эскертүү бериле баштады. Милициянын айтканына көнбөгөндөр административдик жазага тартылат.
Аялдарга жоолукту моюндун артынан салынуу керектиги эскертилип жатат. “Азаттыктын” өзбек кызматы тараткан маалыматка ылайык, хижабчандар негизинен базарлардан кармалууда.
Өлкө бийлиги муну “диний экстремизм менен күрөшүү” ыкмасы катары түшүндүрөт. (SE)
