Аскердик хунта бийликке келген жыйырма жылдан бери биринчи мерте боло турган саясий бул өнөктүккө камылганын жүрүшү АКШны "терең өкүткө" салганын мамлекеттик катчынын жардамчысы Курт Кэмпбелл билдирди. Ал Мянмада болуп, жетекчиликтин жана оппозициянын өкүлдөрү, анын ичинде Нобел сыйлыгынын ээси Су Чжи менен жолукту. Чжи көптөн бери үй камакта отурат, бийликтер аны мурда соттолгон деген шылтоо менен шайлоого катыштыруудан баш тартышты. Буга байланыштуу Чжинин тарапкерлери да шайлоого катышпай турган болушту.
