МӨӨНӨТСҮЗ МИТИНГ, 19-АПРЕЛЬ: ТОПОЛОҢ (сүрөт баян)
19.04.2007
Бишкекте 19-апрелде караңгы киргенде Өкмөт үйүнүн жанындагы каршылык акциясына чыккан митингичилерге каршы милиция ышкырып жарылган, көздөн жаш агызган газ гранаталарды атышты. Митингичилер качып борбордук аянтка сүрүлдү. Милиция митингичилерди борбордук аянттан жана чоң көчөлөрдөн сүрүп-кууп таркатты. Жарадар болгондор тууралуу маалымат жок. 11-апрелден бери каршылык акциясын өткөрүп жаткан Бириккен фронт бийлик башчыларынын чагым иш-аракеттери ушундай баш-аламандыкка алып келди деп Бишкектеги түнкү тополоң үчүн бийликти айыптаган билдирүү менен чыкты.