- Иракка каршы АКШнын согуштук аракеттери бул Иракка каршы согуш эмес, жеке Саддам Хусейнге каршы Буштардын династиясынын өчү эмес. Бул жерде Американын мунайзат жана каржы саясаты турат. Эмне үчүн Иракка каршы ушундай согуштук аракеттер болду? Эң биринчи эле себеби Орто Түштүктөгү араб өлкөлөрүндөгү, Орто Түштүк Евразиянын капталындагы мунайзат чыккан булактарды байлоо гана керек болчу.
Мунайзат Америка үчүн байлоого берилген гана каражат. Ал эми калганынын баары алаксытма. Хусейндин башын алабы, башка кылабы – Америка үчүн проблема эмес. Бул техникалык маселе. Саясий маселеси, менмин деген мамлекеттердин бардыгын алаксытуу - Саддам Хусейндин режими өөдө-төмөн, анын атомдук куралы бар экен деп.
Кийин химиялык дагы, атомдук дагы куралы табылбай эле калбадыбы. Бул шылтоо болгон. Мунун баарын Американын атайын кызматтары билген. Билип туруп атайын жасалган акция, маневр болчу.
- Саддам Хусейндин режими деген нерсени бир топ фактылар менен далилдөө аракеттери жасалган да. Сиз Хусейндин режимине кандай карайсыз?
- Саддам Хусейндин режими – арзыбаган нерсе болгон. Эми күрддөрдүн бир топ кыштактарын аткылаптыр, өрттөптүр. Ошону Хусейндин аскерлери талкалаганбы же Американын жалдама аскерлери талкалаганбы? Ким уюштурган? Бу дагы эмгиче ачылган жок да.
- Саддам Хусейндин эл аралык терроризм менен байланышы бар деген дагы дооматтар айтылбады беле?
- Эл аралык терроризм деген да шылтоо да. Эл аралык терроризм деген жок, мен ачык айтып коеюн. Мындай нерсе көтөрүлбөш керек болчу. Бул атайын ойлонуп табылган оюнчук болгон. Ошол оюнчукту, ошол сагызды баарыбыз чайнадык, ошол оюнчук менен баарыбыз ойнодук, мен демократмын деген мамлекеттин бардыгы.
Бул деген алдамчы саясат. Мунун негизги себеби - федералдык система деген доллар чыгарган миллиардерлер менен триллиардерлердин оюну, спектакли. Андан башка эч нерсе жок бул жерде.
- Ирак согушунан ошол Америка өзү, анан анын өнөктөштөрү эмне утту, эмнени уттурду?
- Америка да, анын өнөктөштөрү да эч нерсе уткан жок. Дүйнө жүзү да. Мен демократмын деген күчтөр да эч нерсе уткан жок. Бул жерде Американын федералдык системасы гана утту. Ашык акчалар бар эле чыгымдаш керек болчу, эски куралдар бар эле аларды иштен чыгарыш керек болчу. Жана жаңы курал чыгарууга, АКШны күчтөндүрүүгө жаңы бюджет алыш керек болчу. Мындан ары деле Саддам Хусейндер чыга берет, Америка улам бирдемени ойлоп таап, кризистерди уюштура берет.
- Ирак согушу дүйнөлүк саясатка кандай сабак берди деп ойлойсуз?
- Ирак согушу башталганда кичине көңүл бурумуш болгон. Азыр бардыгы унутту. Бул эч кимге сабак болгон жок. Бул жерде болгону АКШнын үстүнөн караган, дүйнө жүзүнүн үстүнөн караган айрым күчтөрдүн театралдык спектакли болуп калды.