Кен казууда чыр-чатакты чечүү жолдору
Кыргызстанда кен иштетүү боюнча 1218 лицензия берилген. Алардын ичинен 47си алтын кендерин иштетүүгө берилген. Кен иштеттү тармагында жергиликтүү калк менен кен иштетүүчүлөрдүн, бийликтин ортосунда чыр-чатактар көп катталат. Буга чейин кен чыккан аймактагы калктын нааразылыгынан улам бир катар компаниялар ишин токтотууга мажбур болгон. "Азаттыктын" талкуусу кенге байланышкан чыр-чатактарды чечүү жолдорун жергиликтүү тургундар кандай көрөт деген суроону талдайт. Катышуучулар: Талас облусундагы Бакай-Ата районундагы айылдык кеңештин депутаты Азимкан Сулайманова, Лейлек районунун акиминин орун басары Абдивали Хамраев, Чаткалдагы коомдук кабылдаманын жетекчиси Тургунбек Атабеков жана Нарын районундагы Миң-Булак айыл өкмөтүнүн башчысы Өмүралиев Жыргалбек.