Атайын кызматтын төрагасы Камчыбек Ташиев Жогорку Кеңеш мыйзамсыз иштерге аралашкан депутаттардан “тазаланып” жатканын билдирди. Казакстандагы суу ташкын жети кишинин өмүрүн алды. Кыргызстанда адамдын органдарын чет өлкөлөргө мыйзамсыз сатууга шектелгендер кармалды.
18-апрелде “Эркин Европа/Азаттык” радиосунун татар-башкыр редакциясынын журналисти Алсу Курмашеванын камалганына жарым жыл болду. Көптөгөн эл аралык укук коргоо уюмдары ага коюлган айыптарды "саясий" деп атап, көз карандысыз жалпыга маалымдоо каражаттарына басым көрсөтүү катары баалап жатышат.
Шейх Мансур батальонунун чечендерден турган ыктыярдуу отряды 2014-жылдан бери Украинанын куралдуу күчтөрүнүн катарында майданда жүрөт. Отряддын жоокерлери чечен согушунда, Грузияда, азыр Украинадагы кандуу кармашта салгылашып жүрөт. Бул тасмада жоокерлер өткөн күндөрүн эскеришет.
Жогорку Кеңештин 17-апрелдеги жыйынында Кыргызстандын Орусиядагы элчигинин кызматкери кабылган окуяга байланыштуу маселе көтөрүлдү.
Орусия бир нече жумадан бери артиллериялык, ракеталык, дрон чабуулдарын күчөттү. Киев абадан коргонуу системасы үчүн курал-жарак, ок дары түгөнүп баратканын кайталап, АКШдан жардам пакетин тезинен бекитүүнү суранып жатат.
Орусиянын Новосибирск облусунда жана Камчатка крайында мигранттарга таксист болуп иштөөгө тыюу салынды. Нөшөрдөң кийин БАЭда тарыхтагы эң катуу суу ташкыны болду. Оманда селден кеминде 18 адам каза болду. Кыргызстандагы интернет провайдерлерге ТикТок платформасын бөгөттөө тапшырмасы берилди.
Санариптик өнүктүрүү министрлиги Кыргызстандагы интернет провайдерлерге ТикТок платформасын бөгөттөөнү тапшырды. Өткөн жылы Маданият министрлиги бул социалдык тармакты тыюу чечимин чыгарган.
Өткөн аптада Бишкек мэри Айбек Жунушалиев Ататүрк атындагы сейил бактын чек арасын 1992-жылдагы абалга келтирүү боюнча токтомго кол койду. Ага ылайык парктагы мыйзамсыз курулуштар түшкөн жер тилкелери Бишкек мэриясына өтүп, жооптуу адамдар менен прокуратура иштеши зарыл.
Тажикстан түрк жарандарына виза режимин киргизди. Тышкы иштер министрлигинин өкүлү 15-апрелде "Азаттыктын" тажик кызматына билдиргендей, виза режими быйыл 20-апрелден тарта күчүнө кирет. Бул Түркиянын Тажикстандын жарандары үчүн визасыз режимди жойгонуна жооп катары каралууда.
Орусия чет өлкөлүк жарандарды Украинадагы урушка азгырууну улантууда. Британ чалгын кызматынын маалыматына ылайык, бул үчүн Москва чет элдиктерге 2000 доллар айлык акы жана орус паспортун убада кылууда. Орусиянын азгырыгына илингендердин арасында борбор азиялыктар жана түштүк азиялыктар да бар.
Грузиянын парламентинин Юридикалык маселелер боюнча комитети 15-апрелде биринчи окууда талаштуу "чет элдик агент" жөнүндө мыйзамды жактырды.
Грузия парламентинин Юридикалык маселелер боюнча комитети 15-апрелде биринчи окууда талаштуу "Чет элдик агент" тууралуу мыйзамды жактырды. Тблисиде бул мыйзам долбооруна каршылыгын билдирген миңдеген адам чогулду. Тартип коргоочулар менен демонстранттар ортосунда кагылышуу келип чыкты.
Дагы жүктөңүз