Түшүмдүү, бирок кирешесиз жыл

2009-жыл саламаттыкты сактоо тармагы үчүн оңой жылдардан болгон жок. Дал ушул жылы төрөттөн каза болгон аялдардын саны арбып, элди дүрбөлөңгө салган чочко ылаңы катталды. Мындан сырткары адистер 2009-жылы жаштар арасында жугуштуу оорулардын күчөгөнүн, ВИЧ/СПИДге кабылган адамдардын саны өскөнүн белгилеп жатышат.

Таласта «Айкөл» бейөкмөт уюму күн нурунан электр кубатын жана жылуулук алуунун ыкмаларын элге жайылта баштады. Учурда аймакта электр кубатын өз алдынча өндүрүп жаткан 20 чакты үй-бүлө бар.

“Азаттык” үналгысынын “Ыңгайсыз суроолор” сыналгы берүүсүнүн кезектеги чыгарылышы “Манас” эпосун ЮНЕСКОнун ооз эки рухий дөөлөттөр мурасы тизмесине кайра киргизүү аракетине арналды.

Жаңы жылды майрамдоодо салтка айланып калган жардыргычтар, фейерверк, жанар от оюнчуктар сатып алынып, камылгалар көрүлүүдө.

28-декабрда Пакистандын деңиз порту- Карачинин көчөлөрүндө кыймыл токтоп, 11 миллион калктуу шаар аза күтүп жатты.

Өтүп бараткан жылы газ маселеси Кыргызстандын талылуу көйгөйлөрүнүн бири болду. Өзбектер карыз көбөйдү деп “көгүлтүр отунду” бууп салып, кыргыздар жакшы эле түйшүк тартты. Эми да минтип эки тараптуу сүйлөшүүлөр толук ачыкталбай, кошуналар газды канча баада сатаары бүдөмүк бойдон калууда.

Кыргызстанда адам укуктары жаатында абал 2009-жылы начарлады. Укук коргоочулар оппозиция лидерлеринин камалышы, соттолушу, бир катар журналисттердин сабалышына жана киши колдуу болушуна байланыштуу ушундай баа берүүдө.

Өткөн жылдарга караганда чек арачылардын иши, аракети күчөгөнү быйылкы жылда байкалды. Адистердин айтымында, ошондон улам чек арада коомчулуктун көңүлүн бурган окуялар катталды.

Оштогу “Голден Гоал” аттуу коомдук бирикме Кыргызстанда адам сатуу өнөкөтү жыл санап күчөп жатканына кабатырлануусун билдирди. Эл аралык адистердин маалыматы боюнча, 2007-жылы 4 миң кыргызстандык атуул чет өлкөдө кулчулук азабын тартса, 2008-жылы бул көрсөткүч 5 миң адамга жеткен.

24-декабрда Жалал-Абадда жасалма диплом менен айыл округунун башчысы кармалган. Бул өңдүү фактылар буга чейин да катталган. Ал эми адистердин айтымында, акыркы жылдары жасалма дипломдорду сатуу азайды.

Бүгүн Өзбекстанда парламенттик шайлоо өттү. Борбордук шайлоо комиссиясынын билдиргенине караганда, шайлоочулар добуш берүүгө жогорку активдүүлүк менен катышты. Шайлоо өлкө парламенти – Олий Межлистин төмөнкү палатасындагы 135 орун үчүн өткөрүлдү. Төмөнкү – Мыйзам чыгаруу палатасындагы мандаттардын саны мурдагы 120дан 150гө көбөйтүлгөн. Өзбекстанда добуш берүүгө укуктуулардын жалпы саны 17 миллион адам.

АКШда Коопсуздук чаралары күчөтүлөөр алдында “ал-Кайида” менен алакасы бар деп шектелген нигериялык жигит америкалык учакты жардырууга аракеттенгени айтылган. Исанын туулганы күнү белгиленип жатканда болгон бул окуяны АКШ бийликтери оңунан чыкпай калган бомба чабуулу катары баалашты.

Кыргызстандын президенти Курманбек Бакиев 25-декабрда студенттик кечеге катышып, жаштар менен жолугушту.

Өзбекстанда 27-декабрда парламенттик шайлоо өтөт. Бул күнү парламенттин кеңейтилген төмөнкү Мыйзам чыгаруу палатасындагы 135 орун үчүн добуш берилет. Добуш берүү буга чейинки шайлоолордой эле демократияга шайкеш келбегени менен анын сырт көрүнүшүндө «демократиялык» айрым өңүттөр болоору айтылууда.

Журналисттердин "Кавказия" эл аралык биримдиги Ташкенде сүрөтчү жана документалдуу фильмдердин автору Умида Ахмедовага гендерлик темадагы чыгармалары үчүн кылмыш иши козголгондугун айыпташты.

Иран Усама бин Ладендин кызы Сауд Аравиянын Тегерандагы элчилигинде турганын жана өлкөдөн кетүүгө уруксат сурап жатканын ырастады. “Ал-Кайида” лидеринин үй-бүлө мүчөлөрү Ирандын аймагында жашайт деген маалыматтарды расмий Тегеран буга чейин такай төгүндөп келген эле.

2009-жыл “Кыргызстанда быйыл социалдык тармакка өзгөчө көңүл бурулат!” деген сөздөр менен башталган. 2009-жылдын 20-февралында алгачкы ирет Бүткүл дүйнөлүк социалдык адилеттүүлүк күнү белгиленген.

Бизнес - экономиканы алдыга жылдыра турган тармактардын бири. Ал эми бул жылы ишкерлердин абалы кандай болду? Бул тармакта кандай өзгөрүүлөр орун алды?

2009-жыл чет жерде иштеген кыргыз мигранттары үчүн оор жылдардын бири болду. Адистер дүйнөлүк каржы каатчылыгы Кыргызстанга дал ошол мигранттар аркылуу таасирин тийгизгенин белгилешүүдө. Жакында эле Кыргызстандын Улуттук банкы кыргыз мигранттарынын өз мекенине жөнөткөн каражаттын көлөмү да дээрлик отуз пайызга кыскарганын билдирди.

АКШ Конгрессинин Сенаты саламаттык сактоо тармагын реформалоо боюнча мыйзам долбоорун бекитти. Ноябрда Өкүлдөр палатасы өз вариантын кабыл алган.

Орусияда президент Дмитрий Медведев жыл соңунда ири үч сыналгы каналынын суроолоруна жооп берди. Эл арасында кадыры улам өсүп бараткан мамлекет башчысы экономикалык кризис, климаттын өзгөрүшү, АКШ менен алака өңдөнгөн көптөгөн маселелерге кайрылып, анын ичинде Орусия мигрант жумушчуларга муктаж экендигин моюнга алды.

Жакында Орусиянын Федералдык Чалгын кызматынын Түштүк Осетиядагы кызматкери Грузияга качып өткөн эле. Чек ара кызматында иштеген прапорщик Виталий Хрипун жакында "Азаттыктын" бир катар суроолоруна жооп берди.

Диссидент - диниятчы Улуу Аятолла Хосейн Али Монтазеринин өлүмү Иранды кайра толкутту.

“Ак шумкар” партиясы баш мыйзамга өзгөртүүлөрдү киргизүү боюнча мыйзам долбоору тууралуу ачык кайрылуу жасады. БЭКтин катарынан чыккандан бери негизинен күтүү режиминде турган партия лидери Темир Сариев бул жолу Курманбек Бакиевдин соңку реформалык кадамдарын катуу сынга алды.

Kытайда эң таанымал диссиденттердин бири сот алдына келди. Лиу Шиобо өлкөдө саясий реформаны талап кылган декларацияны жарыялоого даярдап жатканда, былтыр камакка алынган. Ага «бийликти кулатуу» аракети үчүн айып коюлууда.

Алматы шаарында ооруканада жаткан кыргызстандык журналист Геннадий Павлюк көз жумду. Ал Алматыдагы көп кабаттуу үйлөрдүн биринин алтынчы кабатынан колу-буту таңылган абалда ыргытылганы айтылган болчу. 17-декабрь күнү оор абалда табылган журналист ошол бойдон эсине келген жок.

Кезегинде замандаштарынын “Тирүү Гомер”, “Легендарлуу эпик”, “ХХ кылымдын Рапсоду” деген бааларына татыган улуу манасчы, эл артисти Саякбай Каралаевдин туулган күнүнө быйыл 115 жыл толот.

22-декабрда Камбар-Ата-2 ГЭСинде сууну бөгөө иш чарасы өткөрүлөт. Күндүзгү саат он экилерде Камбар-Ата-2 ГЭСине сууну бөгөө максатында ири масштабдуу жардыруу жүргүзүлүшү күтүлүүдө. Буга байланыштуу Өзгөчө кырдаалдар министирлигинин басма сөз кызматынын кызматкери Кылыч Досумбетов “Азаттыкка” маек курду.

21-декабрда Ооган парламентинин төмөнкү палатасы президент Хамид Карзай сунуш кылган жаңы өкмөттүн курамын талкуулаганга киришти.

Европанын бир катар өлкөлөрүндө калың каар менен катуу суук транспорт системасын баш аламандыкка кептеди. Аэропорт, темир жол вокзалдарында жүздөгөн адам өз каттамдарын күтүп отурушат. Кан жолдордо машиналардын бир нече километрлик колонналары пайда болду.

21-декабрда Орусиянын бир катар шаарларында коммунисттер Сталиндин туулган күнүнүн 130 жылдыгын белгилешти. Москвада Коммунисттик партиянын лидери Геннадий Зюганов катышкан митинг өттү. Кремлдин дубалынын алдындагы Сталиндин бейитине гүл чамбар коюлду.

20-декабрда Иран жетекчилигин сындап жүргөн диниятчылардын бири - Улуу Аятолла Хосейн Али Монтазери 88 жаш курагында о дүйнө кетти.

Жарандык коомдун өкүлдөрү Алматыда ооруканада оор абалда жаткан журналист Геннадий Павлюк тууралуу жеринде маалымат алып кайтышты.

18-декабрда Билим берүү жана илим министрлиги 14 жогорку окуу жайынын билим берүү укугун чектеп, лицензияларын алып койду. Министрликтин адистери аны сандан сапатка өтүү процесси катары түшүндүрүшүүдө. Көз карандысыз адис, “Кыргыз парламентарийлери коррупцияга каршы” уюмунун жетекчиси Кубанычбек Өмүралиев “Азаттыктын” буга байланыштуу суроолоруна жооп берди. Адис менен кабарчыбыз Илим Жанузаков байланышты.

Грузияда “Даңк” эстелигин жардыруу маалында ал жерден өтүп бараткан аял жана анын сегиз жашар кызы мерт болушту. Грузиянын Башкы прокуратурасы бул окуя боюнча кылмыш ишин козгоду.

12-декабрда Алыкул Осмоновдун каза болгон күнүнө карата акындын үй-музейи ачылды. Ага Жогорку Кеңештин депутаттары жана Маданият жана маалымат агенттиги чакырылганы менен, бир да өкүл катышкан жок. Жергиликтүү тургун катары келген коомдук ишмер С.Урманаев Ысык-Көлдү дүйнөгө даңазалаган Алыкул акынды облус бийлиги барктабай келатканын сынга алды.

18-декабрда Билим берүү жана илим министрлиги 14 ЖОЖдун жогорку билим берүү укугун чектеди. Лицензиясы кайтарып алынган окуу жайлардын арасында Бишкектеги ЕККУ Академиясы да бар.

Чолпон-Ата шаарындагы көп кабатуу үйлөрдөн таза суу чыкпаганына 10 жылдан ашык убакыт өттү. Жашоочулар кум аралашкан ылай суу жылуулук өткөрчү түтүктөрдү жараксыз кылганын айтышууда. Айрым үйлөрдө 10 күндөн бери суу да, жылуулук берүү да токтоп, электр кубатын пайдалануу күчөгөндүктөн чыңалуудан электр жарыгы да өчүп калууда. Тиешелүү мекемелер бул көйгөйгө жашоочулар өздөрү күнөөлүү деп жатышат.

Советтер союзу урагандан кийин жаштар арасында илимге кызыккан жаштардын саны кадимкидей азайганы менен, акыркы кездерде илим изилдеп, окумуштуу болгусу келген жаштардын саны көбөйүүдө. Бул тууралуу Улуттук илидер академиясында өткөн “Илимге карай жол” деген аталыштагы илимий жыйында айтылды. Академиянын 55 жылдыгына арналган конференцияда жаш окумуштуу, аспиранттардын илимий иштери окулду.

Ош шаар мэриясынын мамлекеттик тил боюнча адистери түштүк борборунда ондогон мекеме ишканалар кыргыз тил мыйзамын тоотпой жатышканын айтып, текшерүү учурунда 180ден ашуун мыйзам бузуу фактысы катталганын белгилешти.

Шайлоочулардын укугу үчүн түзүлгөн “Менин тандоомдун мезгили” аттуу атуулдук кеңеш Ысык-Көлдө “Азаттык үчүн” деген демилгелүү топ түздү. Топтун милдети - шайлоо убагында укугу бузулган жана кысымга алынган байкоочуларга моралдык жардам көрсөтүү.

Пакистандын Жогорку Cоту өлкө президенти Асиф Али Зардари жана анын көптөгөн союздаштарына мунапыс берген декретти жокко чыгарды.

Кыргызстанда ыктыярчылардын маалыматтык базасы түзүлөт. Бул база ар кандай уюмдар менен ыктыярчылардын ортосундагы байланышты бекемдейт. Уюмдар жана ыктыярчылар базадан акысыз түрдө каттоодон өтө алышат. Эми алар өз кызыкчылыктарына жараша бири-бирин жеңил жол менен таба алышат.

Тиягы Улуу Британия, Франция, Италияда, биягы Орусия, Борбор Азия өлкөлөрүндө эмгектенишкен бир катар окумуштуулар президент К.Бакиевге ачык кайрылуу жолдошту. Анда соңку кездери Кыргызстанда репрессиялык аракеттер жайылып кеткени тууралуу айтылат.

Жогорку Сот 85 жылдыгын белгиледи. Буга байланыштуу өткөн иш-чарага президент баш болгон мамлекет жетекчилери катышышты. Өлкөдө адилет сот, адилет мыйзамдар болушу керек экенин айткан президент К.Бакиев, сот системасында кемчиликтер бар экенин белгиледи. Бийлик оппоненттери болсо “азыркы бийлик системасында сот адилеттиги болушу мүмкүн эмес” дешет.

Эларалык кризистик топ Борбор Азия өлкөлөрүнүн түрмөлөрүндө отурган исламчылар болочокто региондогу коопсуздукка коркунуч келтирет деп эскертти.

“Кыргызгаз” Өзбекстанга болгон 3 млн. доллар карызын төлөдү. 20-декабрдан кийин кыргыз делегациясы келерки жылга газ сатып алуу боюнча сүйлөшүү үчүн Ташкенге сапар алууда.

Жалал-Абад шаарында эки күндөн бери газ жок. Өзбекстандын газы үчүн жыйылган карыз төлөнбөй жаткандыктан көгүлтүр отунга чектөө киргизилди. Облустун керектөөчүлөрү өзбек газына 60 миллион сом карыз. Облус борборунун жашоочулары газ карызынын бат көбөйгөнүнө түшүнбөй жатышат. Айрым кишилер бийлик элди өз максатына керек маалда эстерин айтты. Көмүр-отун кымбат маалда эмки жылдан электр баасынын кымбатташына нааразы болгондор да жок эмес.

“Азаттыктын” “Ыңгайсыз суроолор” берүүсүнүн кезектеги чыгарылышы орто мектепте билим берүү, окубай калган балдар, китептердин жетишсиздиги жана ата-энелерден мыйзамсыз акча жыйноо маселесине арналды.

Копенгагенде өтүп жаткан глобалдык климат тууралуу дүйнөлүк талкуу өнүккөн жана өнүгүп келаткан өлкөлөр ортосундагы бөлүнүүдөн улам туңгуюкка кептелчүдөй болуп калды.

Эдвокаси – бир сөз менен айтканда жарандык коомчулуктун жакшы өзгөрүүлөр болуусу үчүн бийликке таасир кылуу процесси. Бул процесс жүрүп атканы менен ага тоскоол болгон жагдайлар да бар.

Коомдук парламент өкмөттүн энергетика жана жылуулук кубатына тарифтерди жогорулаткан чечимдерин сынга алды.

Оштогу СПИД борбору жыл башынан бери Ош шаарынын өзүндө эле кош бойлуу 22 аялдан ВИЧ илдети табылганын маалымдады. Аталган борбордун ырасташынча, бойкат аялдар бул дартты жыныстык жол аркылуу жуктуруп алышкан.

Декбардын биринчи жумасында Түндүк Корея улуттук акчасын ирилештирип, деноминациялады.

Европа Комиссиясы чет жактан келген бир нече укук коргоочулар Кыргызстандын аймагына кирбей калганына байланыштуу тынчсыздануусун билдирди. Мындай билдирүү Европа Комиссиянын интернет баракчасында жарыяланды.

Чыңгыз Айтматовдун ысымын түбөлүккө калтыруу боюнча мамлекеттик деңгээлде татыктуу чечимдер болбой жатканы, Камбар-Ата-2 ГЭСи курулуп жаткан тоолордо боло турган жардыруулар, журналисттердин жана саясатчылардын сабалышы, энергетикалык кризис элди бушайман ойго салган маселелер болуп жатат.

Чыңгыз Айтматов менен Муктар Шахановдун «Аскада калган аңчынын ыйы. Кылым кыйырындагы сыр ачуусу» улуу сүрөткердин пенделик турум-турпаты, аны толгонткон ой дүйнөсүнөн кабар берген көркөм-философиялык чыгарма.

Кыргызстандын жалпы билим берүүчү мектептеринде ата-энелерден акча чогултууда көптөгөн мыйзам бузуулар орун алууда. Бул айрыкча Бишкек, Ош шаарларында жана Чүй боорундагы мектептерде күчөгөн көрүнүшкө айланган.

Бүгүн (11-декабрь) премьер-министрдин сунушуна ылайык, президенттин жарлыгы менен өзгөчө кырдаалдар министри Камчыбек Ташиев кызматынан бошотулду. Ага удаалаш эле мурдагы министр маалымат жыйынын өткөрүп, Данияр Үсөнов өкмөт башына келгени тартипсиздик күчөгөнүн, эми аны чукул арада кызматтан кетиришке бар күчүн жумшай турганын жарыялады.

10-декабрда Бишкекте тил жана толеранттуулук маселесине арналган жыйын өттү. Анда учурдагы кыргыз тилинин абалы, аны өнүктүрүү жолдору талкууланды.

Копенгагенде 10-декабрда ачылган Европа Биримдигинин (ЕБ) эки күндүк саммиттине акыркы ирет эски жолой менен Швеция төрагалык кылууда.

Мединада дагы бир кыргызстандык ажы каза болду. Саударабстандын аэропортторунда авиакаттамдар кыйла кечигип сапар алууда.

Кечээ (9-декабрда) Бишкекте кечки саат 19:30 чамасында Кыргызстандагы белгилүү Орусиялык саясат талдоочу, КМШ өлкөлөрүнүн Орусия институтунун аймактык кеңсесинин директору Александр Князевди белгисиз бирөөлөр сабап кетишти. Ал өзү кол салууну саясий ишмердүүлүгүнө байланыштырууда. “Азаттык” үналгысы ур-токмокко кабылган саясат талдоочуга айрым суроолорду берди.

Дүйнөлүк саламаттыкты сактоо уюму кургак учукка чалдыккандарды айыктырууну жана акыр аягында бул дарттан толук арылууну максат кылган эле. Эми уюмдун ырастоосуна караганда, эң соңку маалыматтар ошол максаттын биринчиси ашыгы менен орундалганын көргөзүүдө.

Орусиянын Перм шаарындагы “Төкөр ат” (Хромая лошадь) түнкү клубундагы кырсыкка байланыштуу Перм крайлык өкмөтү 9-декабрда өз ыктыяры менен кызматтан кетти.

Ысык-Көлдө чабактардын жок болуп кетүү коркунучу жогору. Мындай абалдан чыгуу үчүн көлдөрдөгү форел, судак өңдүү жырткыч балыктарды кармап, алардын санын азайтуу керек. Айлана чөйрөнү коргоо жана токой чарба боюнча мамлекеттик агенттиги Балык чарба департаменти менен бирдикте чабактарды көбөйтүүнүн жаңы жолдорун караштырууда.

Копенгагенде өтүп жаткан глобалдык климат боюнча жыйында өнүккөн бай өлкөлөр менен өнүгүү жолундагы мамлекеттер ортосунда нааразычылык пайда болду.

Кыргызстан ушул жазда Орусиядан алган 300 миллион доллар өлчөмүндөгү кредит кандайча коротулуп, каякка пайдаланууда? Аларды ээлигине алган Кыргызстандын Өнүктүрүү фонду эмне дейт? Коомчулукту кызыктырган мына ушул суроолорго "Азаттык" жооп издеп көрдү.

Өткөн айдын башында 27 жаштагы Тахмина Амантаева “Жылан" деген гезиттин редактору атанган Сейит Мураталиевди бычактап өлтүргөн окуя болгон. 4-декабрда Тахминанын күйөөсү Эркин Айжигитов камактан бошотулду.

Косовонун өзүн күнкорсуз деп жарыялоосу боюнча Гаагадагы эларалык сотто Кошмо Штаттар менен Россия карма-каршы пикирди карманууда.

Дүйнөдө кайсыл мамлекеттин эли бактылуу турмушта жашап жатканы дайыма кызыгууну жаратат. Жакында Legatum деп аталган көзкарандысыз уюм дүйнөдөгү жыргалчылык жөнүндө жаңы докладын чыгарды. Анда айтылгандарга караганда, эң бактылуу элдердин катарына киргендердин баарында айрым окшоштуктар байкалган.

Кийинки жылы жылуулукка жана электр энергиясына болгон баалар өсөт. Бул өз кезегинде бардык товарлардын кымбатташына алып келмекчи.

Бишкектеги гезит күркө ээлери менен “Кыргыз басма сөз” акционердик коомунун ортосундагы талашка байланыштуу “Басма жаңылыктары” коомдук бирикмесинин башкы директору Жоробек Осмоновдун үстүнөн сот жараяны 7-декабрда Бишкек шаарынын Октябрь райондук сотунда каралды.

“Интербилим” борборунун Оштогу өкүлчүлүгү Ош шаар бийлиги менен биргеликте коррупцияга каршы жумалык иш-чарасын баштады. Аталган борбор мындан ары жалпы коомчулукту коррупция менен бирге күрөшүүгө чакырып, пара берүүгө мажбурланган шаар тургундары үчүн атайын ишеним телефону да иштеп баштаганын жарыя кылды.

Румынияны дагы беш жылга президент Траян Бэсеску жетектейт. Жекшемби күнкү кайра шайлоодо Бэсеску 50,3 процент добуш алды.

Копенгагенде БУУнун глобалдык климатка арналган конференциясы башталды. Жыйында аба-ырайынын акырындап ысып баратышы, анын келечектеги эң кооптуу кесепеттерин жойуу аракети сөз болууда.

Президент Барак Обама Климаттын өзгөрүүсү боюнча Копенгагенде дүйшөмбү күнү башталчу 12 күндүк эл аралык жыйындын жабылышына катышат.

20 жыл илгери Кансыз Согуш бүткөндөн тарта мурдакы коммунисттик өлкөлөр эркин экономикага шашыла өтүшкөн. Мунун натыйжасында, Ортолук жана Чыгыш Европа менен Борбор Азияда мурда жок орто класс пайда болду.

Индиянын Бхопал шаарындагы экологиялык кырсыктуу окуядан бери 25 жыл өттү. 1984-жылдын 3-декабрында химиялык заводдон өтө уулуу газ абага таркап, миңдеген адам каза тапкан. Дагы миңдегени майып болуп калды.

Бишкек шаарында учурда каржы жана кредит багытында эмгектенген 1200гө жакын мекеме бар. Өлкөдө насыя берүүнү каалаган банктардын саны көп. Ошол эле маалда насыянын үстөк пайызы да жогору.

Бүгүн Биринчи май райондук сот мурдагы тышкы иштер министри Аликбек Жекшенкуловдун ишин кароону улантты. Бирок Таластан күбөлөр келбей калганына байланыштуу соттук териштирүү 10-декабрга жылдырылды.

Бүгүн мүмкүнчүлүгү чектелген адамдарды коргоонун эл аралык күнү. Бул күндүн урматына Сокулук районундагы сиам эгиздер - Зита жана Гитанын ата-энеси Жаны-Жер айылында салтанаттуу иш чара уюштурду.

Кыргызстандык ажылар түшкөн алгачкы авиакаттам Саударабстандын Жидда шаарынан 3-декабрь күнү Кыргызстанга карай сапар алат.

“Демократия жана атуулдук коом үчүн” коалициясында Бишкек, Ош жана Баткен облустарынын тургундарынын катышуусу менен отун-кубат жана жылуулукка тарифтерди көтөрүү маселелеси талкууланды.

Кыргызстандын Араван районуна караштуу Дадахан, Достук жана Көмүрчү айылдарын Өзбекстан электр энергиясы менен камсыз кылаар эле. Бирок акыркы аптада коңшу өлкө экинчи тарап менен кеңешип-таңашпастан, Достук кыштагына жарык берүүнү эскертүүсүз токтотту.

Өзбек бийликтери Борбор Азиядагы Бирдиктүү энергетика системасынан (БЭС) чыгарын жарыялады. Өзбекстан БЭСтен чыкca Кыргызстанда электр каатчылыгы курчуйбу?

Тажик мигранттары мекенинде калган жубайлары менен үй-бүлөлүк карым-катнашты бузууда жаңы технологияны колдоно башташты. Эрди-катындын ортосундагы мамиле кээде чөнтөк телефондон СМС аркылуу жиберилген “талак” деген бир эле сөз менен бузулуп жатат.

Ошто ВИЧ/СПИД илдети тууралуу соңку жагдайлар боюнча аймактагы “Рейнбоу Инфо-борбор” коомдук корунун өкүлү Султан Мамытов “Азаттыкка” маек курду.

Дүйнө бүгүн СПИДге каршы күрөшүү күнүн белгилөөдө. Бириккен улуттар уюму Чыгыш Европа менен Борбор Азияда бул дартка чалдыккандар улам көбөйүп жатканына тынчсыздануу билдирди.

Кыргызстан 2010-жылы да Европа Биримдигинин «кара тизмесине» алынмай болду.

СПИД дартынын таралышы акыркы жылдары коркунучтуу темпте өсүп келе жатат.

1-декабрга карата ВИЧ/СПИД илдети менен катталгандардын саны өлкөдө 2671 адамга жетти.

Энергетика тармагын өнүктүрүү үчүн эгемендик алгандан бери миллиондогон каражаттар келген. Бүгүн өкмөт бул тармак кейиштүү абалда экенин айтып, бааларды кымбаттатууда. Алынган кредиттер деги кайда жумшалган?

Кыргызстанда ВИЧ илдети менен 1-ноябрга эки миң алты жүздөн ашык адам катталды. Алардын эң көбү Чүйдө катталып, 640ка жеткени, эң азы - Нарында 5 адам бар экени кабарланды.

30-ноябрь күнү ажылык негизги зыяраттар аягына чыкты. Медина шаары аркылуу Мекеге баргандар Кыргызстанга кайтуу камылгасын көрүшөт. Ал эми Мединага бара электер ошол жакка сапар улашат.

1-декабрь - СПИДге каршы күрөшүү күнүн утурлай Дүйнөлүк саламаттыкты сактоо уюму менен БУУнун СПИД агенттиги жаңы сунуштарын жана келээрки жылга прогноздорун жарыялады.

Кыргызстанда чочко тумоосуна чалдыккандардын саны 78ге жетти. Алардын отузга жакыны өлкөгө сырттан келгендер.

Мюнхенде бүгүн Экинчи Дүйнөлүк согушта он миңдеген жөөттүн канына забын болгон деп айыпталган украиндин үстүнөн сот иши башталды. Карылыгы жетип, баса албай калган мурдагы согуш туткунунун үстүнөн процесс Германиядагы нацизмге байланышкан эң акыркы сот иши болуп калат шекилдүү.