Аталган мыйзам долбоору бүгүн Жогорку Кеңештин отурумунда биринчи окууда каралды. Унаа жана байланыш министринин орун басары Улан Уезбаев экстремисттик материалды камтыган сайттарга прокуратуранын көрсөтмөсү менен 3-5 күндүн ичинде чектөө киргизилерин айтты.
- Сотко чейин эле прокурордун көрсөтмөсү менен экстремисттик материалдарды камтыган сайт министрлик тарабынан өчүрүлөт. Эгерде сот экспертиза туура эмес чыкканын айтса, сайт кайрадан жанданат.
Депутаттардын басымдуу бөлүгү «экстремисттик аракеттерге каршылык көрсөтүү жөнүндө» мыйзамын бүгүнкү күндө зарыл экенин айтышып, ошол эле учурда экинчи окууга дагы толукталып келүү керек деген пикирлерин билдиришкен. (SDz)
