Билим жана илим министрлиги Жогорку окуу жайлар ассоциациясы менен кызматташууну чечти. Бул тууралуу меморандумга бүгүн Бишкекте кол коюлду.
Ассоциациядан кабарлашкандай, бул уюмга 5 облустан 24 жогорку окуу жай мүчө. Алардын 18 - мамлекеттик, калган 6 - жеке. Уюмдун максаты - жогорку билим берүү тармагындагы мамлекеттик саясат үчүн окуу жайлардын прогрессивдүү, кесипкөй жана интеллектуалдык күчүн бириктирүү. (RK)
