Мындай көрүнүш акыркы бир айда ушуну менен үчүнчү ирет кайталанууда. Азыркысында социалдык сайттар жарым-жартылай тосмолонгондой.
Интернет колдонуучулардын айтымында, Facebook социалдык тармагына, орусиялык ВКонтакте, Yandex, жергиликтүү Topnews.tj сайттарына азыр интернет провайдерлердин бир нечеси аркылуу кирүү мүмкүн болбой жатат.
Мунун себептери белгисиз. Өкмөттүн Коммуникация боюнча агенттиги ырастагандай, сайттарды тосмолоо үчүн алар тарабынан эч кандай көрсөтмө берилген эмес.
Акыркы жылдары Тажикстанда маалымат жана социалдык сайттар бийлик тарабынан тосмолонгон учурлар бир нече ирет кездешкен. (UE)
